Fjölskyldublogg frá Grund

Dodda herbergi

2011-01-30T12:21:00.001-08:00

úff

úff

úff

hann er kominn með skrifborð þarna til vinstri núna og ofn

hol í kjallara haust 2010

2011-01-30T12:19:00.000-08:00

href="http://2.bp.blogspot.com/_kqG7gvFEWVo/TUXIMROlXKI/AAAAAAAABHE/PuJeiw374WE/s1600/IMG_5253.jpg">

Birkitré frá ömmu og afa á Furugrund

2010-10-31T03:58:00.001-07:00

Við Doddi vorum svo ánægð með okkur og holuna fínu...

en það þurfti víst að stækka hana töluvert enda hið myndarlegasta tré!

Dyr útúr eldhúsi

2010-10-31T03:49:00.000-07:00

Þessi kom í sumar. Hurðin að sjálfsögðu keypt á barnalandi hehe

2010-06-23T16:44:00.000-07:00

Inni og úti

2010-06-10T11:20:00.000-07:00

Pétur er niðri í kjallara núna að klára að brjóta kantinn í gestaherberginu sem sést á mynd hérna neðst. Doddi kom á mánudaginn eftir vinnu og náði næstum að klára niðurbrotið ;) En hann ætlar svo að flytja inn í herbergið í haust.
Svo reynum við að vera sem mest úti í garði eða eins og stelpurnar leyfa. Það er svosem hægt að sleppa Söndru lausri núna en Katrín er alveg skæð með að stinga af. Snögg og útsmogin eins og stóra systir hehe

Við erum að undirbúa pallasmíð. Færa til jarðveg og svo er að fara að grafa holur og steypa staura. Gamla útidyrahurðin verður svo tekin í gegn og látin duga sem svalarhurð. Svo erum við komin með rifs og erum að reyna að rækta gulrætur, rabbabara og kartöflur.

Sandra er farin að hjóla án hjálpardekkja og kemst núna alltof hratt. En Kata litla er enn ekki búin að mastera þríhjólið ;)

Moldarhrúga sem við vorum að slétta úr og moka burt því þarna á að vera pallur útúr eldhúsinu :)

kjellinn

Helvítis kanturinn! Við erum búin að byrja nokkrum sinnum á þessu niðurbroti og gefist upp um leið. En núna ætlar það að takast.

össs, hvað við erum búin að vera léleg að taka myndir!

2010-04-15T14:39:00.000-07:00

En hér er Pétur milli jóla og nýárs að taka klósettið gamla úr geymslunni. Mikill léttir ;)
Svo erum við búin að klára andyrið, á bara eftir að splæsa í flísar.

2009-12-09T03:05:00.000-08:00

Núna er það málningarvinna í andyrinu. Það verður vonandi hægt að hengja af sér fyrir jólin ;)
Héldum hamstra-jarðarför í gær fyrir Pílu litlu. Það var s.s. ekki sniðugt að hafa tvo hamstra...

mokstur

2009-11-08T14:04:00.000-08:00

oj, hvað það er erfitt og leiðinlegt að moka!
Eyddum helginni í að tæma rusl úr reitinum bakvið hús sem verður seinna hellulagður og byrjuðum að moka moldinni uppá bakkann. Náðum ekki að klára :/
Tilgangurinn var að losna við sandhrúguna á stéttinni því við pöntuðum "óvart" alltof mikinn sand hehe

Hellulögn

2009-10-04T14:32:00.000-07:00

fyrir (Pétur búinn að steypa fínan kant)

Kata að pæla

Sandra að hjálpa Pabba

Kata verkstjóri

Gaman að eiga mikinn sand ;)

Fínu tröppurnar

2009-09-04T18:11:00.000-07:00

Þessar urðu til í barnlausu vikunni í byrjun ágúst.

Heyannir

2009-07-04T16:21:00.000-07:00

Fyrsti sláttur var framkvæmdur í dag með leigðri vél frá Byko. Grasið er ótrúlega fínt og maður sér varla samskeytin lengur enda er þetta vafalítið dekraðasta grasflöt á Íslandi - Pétur vökvar oft á dag.

Á næstu grösum...

2009-06-21T15:08:00.000-07:00

Árni mættur á gröfunni

allt orðið slétt og fínt

Rabbi bró...

Pétur og Siggi Búi

...og allt orðið voða fínt

helgarmix

2009-06-07T14:08:00.000-07:00

Flott helgi að baki. Stelpudjamm á föstudag, Hátíð hafsins með fjölskyldunni í frábæru veðri á laugardag og Sorpu ferðir + gestir í mat á sunnudag!
Pétur er komin með snilldarhugmynd að palli/svölum og er límdur við tölvuna að teikna daginn út og inn. Fæ vonandi að birta myndir hér bráðlega.
kv. Ása

-Sandra fékk Mix um helgina og pissaði eiturgul/grænu! Kannast fleiri við það?

2009-05-18T13:18:00.000-07:00

Hér koma loksins myndir af vaskinum góða ;)
Annars er voða lítið að gerast hér. Okkur finnst miklu skemmtilegra að gera eitthvað saman um helgar heldur en pússla saman passi og smíðavinnu...

þetta er mikil listasmíð ;)

Pétur að steypa í gatið kringum niðurfallið

Í Gróttu:

Svo erum við komin með barnapíu hérna á Nesinu - meira að segja tvær! Og stelpurnar mjög hrifnar af þeim. Þyrftum nú að skella okkur á Star Trek útaf þessu ;)

búin að kaupa myndavél!

2009-04-05T14:42:00.001-07:00

dýravinir:

þarna er allt draslið ;)

hreinn og "fínn" garður

vor hreingerning

2009-03-31T13:49:00.000-07:00

Allt gekk upp hjá okkur á laugardaginn. Redduðum pössun, bíl með krók og fengum lánaða kerru hjá nágrannanum. Svo var tekið til við að saga niður allt limgerðið og ferja burt. Við tímum nefnilega ekki þessum blett undir gróður því þarna er eina kvöldsólin. Svo tókum við til í bakgarðinum, fórum með sumt í Sorpu og stöfluðum nýtanlegu timbri til hliðar við húsið. Svo er næsta skref að láta skafa garðinn og slétta og þökuleggja. Við ætlum svo að nota stóru gömlu hellurnar sem fylgdu garðinum þar sem pallur á að koma seinna.
Ef það verður gott veður næstu helgi ætlum við að rífa upp hellurnar í bakgarðinum og þá er allt klárt fyrir gröfuna!

Annars er allt í veikindum og volli núna- eins og stundum ;) Sandra er með hita fimmta daginn í röð en er smám saman að hressast.

2009-03-07T14:50:00.000-08:00

Baðherbergið er smám saman að taka á sig mynd. Búið að klæða háa vegginn í kringum dyrnar og vegginn hjá baðkarinu. Gengur alltaf hraðar og hraðar, fyrsta daginn kom ein spýta... ;) Rabbi besti kom í dag að hjálpa - takk fyrir það xxx
Myndavélin okkar bráðnaði um daginn þannig að það verða ekki myndir strax hehe

góð helgi framundan

2009-02-27T13:26:00.000-08:00

Parket og gólf gaf sig loksins og leyfði okkur að sækja klæðninguna sem við áttum inni hjá þeim. Við erum með 20 pakka í gestaherberginu og ætlum að eyða helginni í að klæða baðherbergið :)

Fjölskylduafmæli

2009-02-19T06:57:00.000-08:00

Sandra ætlar að verða 4 ára á öskudaginn og þá verður pínu krakkaveisla. En við viljum bjóða fjölskyldunni í veislu á sunnudaginn kl:14 hingað á Grundina.
Hlökkum til að sjá ykkur öll :)

getraun

2009-01-09T09:49:00.000-08:00

þekkir einhver þetta barn?

Anddyrið

2009-01-04T17:14:00.000-08:00

Frekar erfitt að taka myndir hér vegna þrengsla :)
Grindarsmíði:

Katrín þurfti að fórna kommóðunni sinni (fékk í staðinn stálgrind) mjög næs að finna alltaf vettlingana sína núna. Takið eftir "veggnum" fyrir aftan.

Baðkarið fína:)

oooooog komin hurð!

jájájájá

2008-12-18T02:38:00.000-08:00

...desember er alveg að gera sig :)

Okkur áskotnaðist bráðabirgða klósett sem reyndist svo vera alveg þrælfínt. Það er s.s. búið að tengja það. Við fengum líka nýjar hillur í geymsluna og ég var fram á nótt í fyrradag að setja þær saman og flokka svo öll gömlu barnafötin í kassa og raða í þær. Í hita leiksins náði ég nú samt (því miður?) að eyðileggja gamla klósettið, stór og þung hurð kom þar við sögu, þannig að nú þarf bara að nota þetta nýja. Við erum samt ekki komin með vegginn sem skilur baðherbergið frá forstofunni þannig að klósettið blasir við þegar að einhver kemur inn. Þá er bara að muna að læsa hehe

Enn betri fréttir eru þær að Pétur er búinn að festa kaup á baðkari og blöndunartækjum og sækir það á morgun! Það lítur því ansi vel út með jólabaðið í ár.

Hlýtt og kósý

2008-12-10T03:06:00.001-08:00

Gleymdi að segja að allt rafurmagn (hehe) pípulagnir,hiti í gólf og fyrsta klæðning er komin upp í viðbyggingu þökk sé Eika bleika. Við erum farin að nota hana sem andyri og vonandi náum við að redda a.m.k. baðkari og blöndunartækjum fyrir jól :/
Annars erum við auðvitað að missa okkur úr dugnaði eins og fyrri daginn og það er búið að gera jólakrans og piparkökuhús sem er nákvæmt líkan af okkar. Bökuðum sörur í fyrradag í fyrsta skipti,og í gær vorum við fram á nótt að taka til í verkærum og málningu og öðru sem við vitum ekki hvað er niðri í kjallara! Myndir seinna.

rosa dugnaður

2008-12-01T08:53:00.000-08:00

Ullin fyllti okkur eldmóði og við erum bara búin að vera nokkuð dugleg síðustu daga. Pabbi og Pétur búnir að ulla og plasta allt. Fórum í góða IKEA ferð og keyptum 3 hillur og eina hurð á eldhúsinnréttinguna:

(sést ekki vel á myndinni en þetta er svartbæsuð viðarklædd hurð og svo verður borðplatan annað hvort eikar límtré eða hvítur steinn...)

Svo breyttum við uppi í risi og færðum rúmið hennar Katrínar inn til Söndru og gerðum smá leikkrók í staðinn og settum upp tvær hillur:

Svo er búið að hengja snagana og skóhillur inní "forstofu" svo að það léttir aðeins á stofunni þó að auðvitað sé andyrið ekki tilbúið.

Þessi kall mætti svo í dag og er langt kominn að smíða grindina undir klæðninguna :)

ull er gull

2008-11-23T22:40:00.000-08:00

Tengdapabbi kom færandi hendi um daginn með hlass af ull. Í gær fengum við stelpufrí svo að við rifum restina af bárujárninu og gluggann og ulluðum loftið. Nóg af ull eftir en við þurfum að skipta henni út fyrir þynnri í útveggina.

myndir

2008-10-27T13:55:00.001-07:00

ástand

2008-10-23T04:14:00.001-07:00

Skvísurnar okkar eru bara lasnar heima í dag :) Sandra með kvef og hita en við vitum ekkert hvað er að Kötu. En hún er nú samt frekar kvefuð líka...

Við erum komin með rúður!!

2008-10-22T03:44:00.000-07:00

Bóbó kom í gær með smið með sér að þeir trukkuðu þetta í gegn ;)
Tek mynd á eftir í snjónum!

2008-10-16T04:54:00.000-07:00

Nú er búið að járna nánast alla viðbygginguna, bara ca. tvær plötur eftir á afturhliðinni og það er allt annað að sjá húsið! Og auðvitað kostur líka að það lekur ekkert inn í rigningu ;) Erum þessa stundina að safna fyrir að leigja kerru í nokkrar Sorpuferðir hehe, núna má nefnilega tæma garðinn af spýtum :)
Svo er Siggi nágranni búinn að klára girðinguna þeirra megin - vonandi náum við að klára okkar fyrir næsta sumar!

stál og gler...

2008-10-02T06:33:00.000-07:00

Þetta mjatlast (vá, hef aldrei skrifað þetta orð! hehe)
Kallarnir komnir langt með að loka viðbyggingunni og Bóbó er akkúrat núna að setja pappír og bárujárn á framhliðina :) Svo náum við vonandi að kaupa gler í hurðina og gluggann í þessum mánuði og þá er þetta orðið fokhelt!

góðir hlutir

2008-09-22T16:15:00.000-07:00

Eiki bleiki er on fire! Hann er búinn að vera að alla vikuna með vindinn í fangið að klæða viðbygginguna. Pétur bættist svo í hóðinn á föstudaginn. Við gátum ekki lengur beðið eftir smið því það var farið að mígleka inn meðfram hurðinni og niður í kjallara. Lenti m.a. í því að rafmagnið fór af um miðja nótt þegar Pétur var í London. Sökudólgurinn var framlengingarsnúra á kafi í vatni fyrir aftan ísskápinn niðri.

Núna er komin hurð og gluggi í viðbygginguna og þeir langt komnir með að klæða.

2008-09-11T15:22:00.000-07:00

Bílaleit húsbóndans sem hefur staðið yfir nánast sleitulaust síðasta árið hefur loksins skilað árangri!!

Soldið sætur. Audi A2, bíllinn með lægstu bilanatíðni í sínum flokki 2003 :)
Það versta er að sá gamli er gróinn fastur við götuna og við náum ekki að skila honum og fá 15.000 kallinn okkar...

hænuskref

2008-08-25T02:56:00.000-07:00

fyrsta hillan!

prinsessuljósið hennar Söndru

Tókum eldhúsið í gegn í vikunni. Gátum loksins splæst í eldhúsvask og krana, þurftum alveg að endurraða eldhúseiningunum til að láta pípurnar passa. Festum svo einingarnar og plötuna þannig að þetta er að verða eins og alvöru eldhús. Eða hálft alvöru eldhús hehe En vatnslásinn var ófáanlegur þannig að við verðum að halda áfram að hella niður í uppþvottavélina ;)

Erum komin með mann til að teikna burðarþolsteikningu af viðbyggingunni og Pétur fékk að vita hvernig festingar á að nota þannig að minn maður er búin að vera úti að skrúfa eins og enginn sé morgundagurinn. Svo er hægt að fara að klæða þakið í framhaldi af því en við erum ennþá að bíða eftir smiðnum okkar til að festa hurðina og gluggann svo að hægt sé að klæða útveggina.

Bíllinn okkar virðist vera endanlega búinn að missa móðinn og ég vona að kallinn finni nýjan bíl handa mér í vikunni því að ég þarf svo mikið að fara í IKEA og Kringluna og sonna í orlofinu ;)

loksins loksins...

2008-08-13T14:37:00.000-07:00

...fengum við okkur skjá þannig að ég gat losað myndir úr myndavélinni inná nýju mac mini tölvuna ;) Fullt af myndum á barnalandi líka.

Sandra og pabbi að sansa dren

gestaherbergið fyrir tiltekt

Mikael mjög töff

bara eins og í Flash dance ;)

Eva hugsi

færði þennan runna úr bakgarðinum

Búið að slétta úr sandinum, nú vantar enn og aftur meiri sand og svo þarf að þjappa og helluleggja! vííí

sumarfrí 2008

2008-07-27T15:54:00.000-07:00

Vorum að koma heim úr vel heppnaðri útilegu/bústaðaferð. Fengum lánaðan ömmu og afa bíl og kíktum á Caringó (frumsamið celeb-heiti á Ingó og Carynu) norður í Vesturhóp í Húnavatnssýslu. Við tjölduðum fína tjaldinu okkar fyrir utan þrátt fyrir laus rúm í bústað því við vorum komin í mikið útilegustuð enda var ekkert farið síðasta sumar vegna húsamála ;) Gleymdum því miður myndavélinni þannig að við getum ekki glatt aðdáendur okkar með bústaðamyndum.

Pétur og Siggi í næsta húsi eru búnir að rífa niður girðinguna á milli húsanna og til stendur að reisa nýja og betri hummmm, veit ekki alveg hvenær við höfum tíma í það! Kannski þegar við erum búin að klára viðbygginguna og baðherbergið og eldhúsið og helluleggja fyrir utan??? hehe En alla vega er garðurinn búinn að stækka töluvert við þetta ;) Á meðan klippti ég limgerðið í annað skiptið í sumar, held það hafi vaxið um tæpa 50 cm síðan síðast!

Sandra er búin í sumarfríi og fer aftur í leikskólann á morgun og þá getum við Katrín farið að taka til hendinni hérna heima. Rennum sérstaklega hýru auga til geymslunnar sem sárlega þarfnast stílista og sandhrúgunnar fyrir utan sem þarf að mokast - kemur í ljós í næstu færslu ;)

2008-07-17T16:36:00.000-07:00

Um síðustu helgi voru skvísurnar sendar uppá Skaga í pössun og við hjónin tókum nokkrar Sorpuferðir og slógum grasið. Við fórum líka í gegnum slatta af kössum og flokkuðum leikföng og fötin okkar. Leikurinn verður svo endurtekinn á laugardaginn og vonandi náum við að klára að taka til í garðinum sem var orðinn ansi fullur af drasli! Og kannski að maður skelli sér bara í bíó líka hehe

cursor:hand;" src="http://bp2.blogger.com/_kqG7gvFEWVo/SH_YfDAVOJI/AAAAAAAAAhY/-X6zl--6Dr4/s320/DSC07061.jpg" border="0" alt=""id="BLOGGER_PHOTO_ID_5224132120667306130" /> verið að setja upp einfaldar einingar

+ hilluefni fyrir borðplötu hehe

Sandra vinnur í jarðvegsskiptum

og lætur sig dreyma ;)

flutningar

2008-07-12T16:54:00.001-07:00

allt í drasli

skyndi-fatahengi

og skyndi-eldhús

ánægðar systur

Sandra er eiginlega alltaf í garði nágrannans að leika við vinkonu sína (10 ára)

viðbyggingin

2008-07-12T16:50:00.000-07:00

myndir aftur í tímann...

2008-07-12T16:37:00.000-07:00

Pétur fékk allt í einu þá snilldarhugmynd að eyða úr tónlistarmöppunni og við það endurheimtum við rúmlega 3 gíg af plássi og hér er afraksturinn:

litla krútt að prófa parketið :)

gamli ísskápurinn kominn niður í þvottahús

fjölskylduhelgi

2008-07-07T02:17:00.000-07:00

Þetta er það sem ég er búin að vera að bíða eftir! Allt síðasta ár er Pétur búinn að fara í bæinn allar helgar og ég er ein með stelpurnar eða þær í pössun. Við bættum alla vega úr því þessa helgina og byrjuðum á því að fara í Húsdýragarðinn, í strætó meira að segja! Kíktum svo á Ísak og Jóhönnu. Í gær byrjaði dagurinn á sundferð svo fóru allir heima að borða og leggja sig hehe og svo í afmæli til Eldars. Það var svo næs að hanga í garðinum þeirra að við vorum til ca hálf sjö! Krakkarnir nenntu endalaust að dunda sér, við erum alvarlega farin að íhuga læk í garðinn ;)

Það varð því ekki mikið úr hellulagninu, en við dreifðum úr sandinum á laugardaginn og Pétur byrjaði aðeins að moka fyrir dreni. En í dag byrjar gæsluvöllurinn fyrir Söndru svo að ég ætti að hafa tíma á daginn til að vinna í húsinu og koma okkur betur fyrir.
kveðja frá Grund, Ása

Sorrý, engar myndir ennþá :/

2008-07-03T15:24:00.000-07:00

En það er stuð á Grundinni. Við Pétur erum blessunarlega sjónvarpslaus og erum sveitt fram á nótt alltaf að smíða eitthvað og raða og pæla. Fengum 3 eldhússkápa í gær og vorum til að verða tvö í nótt að setja þá saman! En það er þvílíkur munur að hafa smá borðpláss og hillur að raða í :)
Núna er ég reyndar að bisa við IKEA skiptiborð og Pétur þurfti að skjótast óvænt í vinnuna. Erum orðnir algjörir IKEA snillingar hehe

Það er ekki kominn vaskur í eldhúsið þannig að það þarf að hlaupa niður í þvottahús að skola það sem þarf að skola fyrir uppþvottavélina. mjög pirrandi. En þvottahúsið er algjör klassi, erum með isskáp og frystikistu þar niðri sem fylgdu húsinu sem á eftir að koma sér vel.

Við stelpurnar erum búnar að bralla mikið í fríinu hennar Söndru. Sundferðir eru mjög tíðar eins og gefur að skilja og svo erum við búnar að fara í fjöruferð, á bókasafnið (sem er frábært fyrir krakka!), Boltaland og Ævintýraland (hehe draumur allra húsmæðra) og á trampólínið í garðinn hjá nágrannanum (hann bauð okkur sko) ;) Á morgun er það alla vega enn ein sundferðin...
Ég get varla beðið þar til á mánudaginn þegar gæsluvöllurinn byrjar! Þær passa ekkert spes saman, systurnar, hvað afþreyingu varðar.

Um helgina er það svo hellulagning og smá fjölskyldufrí kannski. Svo á að halda áfram með viðbygginguna eftir helgi.

Við erum flutt!

2008-07-01T10:15:00.000-07:00

Set inn myndir seinnna.
Sandra er komin í sumarfrí og við erum alsælar saman í nýja húsinu :)

parket!!!

2008-06-26T16:01:00.001-07:00

Loksins myndir!

2008-06-24T17:38:00.000-07:00

fínu listarnir okkar

að prófa hurðina sem ég hafði ætlað hér en hún er alltof stór :/

2008-06-23T15:23:00.000-07:00

Nú eru allar klær úti. Ég var í tvo daga að moka moldarbarðinu burtu, sem var meðfram skurðinum í kringum viðbygginguna. Svo er búið að fylla upp með möl og sandi og hellurnar bíða á stéttinni. Nú þurfum við bara aðeins meiri sand, þjappara (eitthvers konar rör skilst mér) og einhvern sem kann að helluleggja hehe

Við Pétur fórum svo í dag og keyptum parket og undirlag í Parka og ég fæ það sent á morgun eftir hádegi! Pabbi verður hjá mér og hjálpar okkur af stað og svo fær Pétur ekki að koma á Skagann fyrr en parketið er klárt. Næs að hafa uppábúið hjónarúm uppi á lofti hehe

Myndir koma bráðum - myndavélin gleymist alltaf í húsinu.

17. júní

2008-06-17T15:15:00.000-07:00

Við hjónin héldum uppá tveggja ára brúðkaupsafmælið með því að fara í bæinn, gæða okkur á sushi, fara í bíó og sofa svo á Grundinni :) Gáfum hvort öðru ný rúmföt og gardínur í afmælisgjöf (2ja ára er víst bómull). Frekar næs. Þetta var fysta næturpössunin hennar Katrínar og gekk svona líka vel enda er þetta er hún "heima hjá sér". Við gátum svo ekki stillt okkur um að mála aðeins og taka til þegar við vöknuðum hehe

Þórður Árnason málarameistari og frú unnu hörðum höndum síðustu helgi og tóku alla gluggana á miðhæðinni í gegn fyrir lökkun. Afi glærlakkaði líka gluggana í risinu og amma mokaði risa hrúgu af sandi ofaní gryfjuna ;)

Pabbi tengdi báða flottu pottofnana á aðalhæðinni og þeir eru farnir að virka fínt. Núna er alveg búið að mála aðalhæðina og setja upp rósettu fyrir fínu, dönsku ljósakrónunu. Þá er bara eftir að lakka gluggana og parketleggja.

gaman að láta sig dreyma...

2008-06-06T01:18:00.000-07:00

2008-06-04T17:48:00.000-07:00

Síðustu dagar hafa farið í pípulagnir hjá strákunum mínum. Og núna er búið að tengja allt frárennsli í brunn í gryfjunni okkar og hann er tengdur nýju lögnunum sem bærinn lét gera fyrir okkur. Þá er næsta skref að fylla uppí gryfjuna og smíða tröppur og útveggi á viðbygginguna.
En ég er nú bara að mála ;)

2008-05-28T14:53:00.000-07:00

stuð í garðinum

öryggi á gluggann - nú verður mamma glöð

og öryggishlið svo ég geti málað meðan Katrín leikur uppi

strompurinn góði :)

2008-05-13T06:51:00.000-07:00

Við Katrín erum búnar að fara tvisvar í vikunni í bæinn, fyrst í sund og svo að mála í bæði skiptin. Þetta voru fyrstu sundferðir Katrínar og henni fannst sjúklega gaman :) Svo sefur hún eins og rotuð á eftir. Pétur tók sér frí frá húsinu á laugardaginn og við fengum Ísak og Jóhönnu og börn í mat. Vorum reyndar hjá tengdamömmu (sem var í Búdapest) og höfðum það mjög gott, grilluðum og fórum í pottinn...
Pétur fór einn í bæinn á sunnudaginn og svo fórum við saman í gær með Katrínu. Fyrst í Neslaugina auðvitað hehe Ég málaði meira í eldhúsinu og Pétur tók til í garðinum. Grasið var orðið heiðgult undir spýtunum! Vonandi nær það að jafna sig í sumar.

Annars erum við bara nokkuð hress og kát. Núna ætla ég bara að drífa í að klára að mála aðalhæðina, svo þegar viðbyggingin er orðin fokheld og klósett og vaskur farin að virka þá flytjum við beint inn! Okkur er orðið sama þó það verði ekki komið parket eða eldhús eða lýsing og gólflistar; þurfum bara að koma okkur í bæinn svo þetta fari að ganga hraðar.

stigagangurinn að verða fínn

sést móta fyrir eldhúsi ;)

Pétur byrjaður að rífa frá steypunni í loftinu í gestaherberginu...

aðeins að pústa í tiltektinni

2008-05-06T04:15:00.000-07:00

Á laugardaginn fóru þreföldu tengdafeðgarnir í bæinn og afi lakkaði gluggakarmana uppi og kíttaði - en var því miður að þróa með sér brjósklos eða eitthvað álíka viðbjóðslegt og var orðinn alveg off um kvöldið :/ Pabbi og Pétur voru úti að reyna að klára að rífa spýturnar frá steypunni og lögðu svo plastdúk yfir neðsta hlutann sem fer undir mold.

Náðu því miður ekki að klára og við hjónin fórum í bæinn daginn eftir og leigðum brotvél. Vorum að vinna í síðsta hlutanum sem er fyrir framan húsið en það lak mjög mikil steypa niður og við náðum ekki alveg að brjóta hana alla þrátt fyrir brotvélina! Ég vorkenni Pétri mjög mikið eftir að hafa verið með honum í þessu því þetta er algjör þrælavinna og vonlaust að koma sér í vinnustellingar því skurðurinn er líklega metri á breidd þar sem hann er breiðastur! Svo hrynur allt sem maður mokar jafnóðum ofaní aftur og solleiðis...
Bæti inn fleiri loftlista myndum til að hressa mig við hehe

horft innúr eldhúsinu
strompurinn geggjað flottur!
ofninn sem á að vera þarna sést úti á miðju gólfi...

2008-05-02T12:45:00.000-07:00

Við erum ekki búin að vera nógu dugleg að taka myndir síðustu daga. Pabbi fór nokkrum sinnum í síðustu viku í húsið en Pétur er búinn að vera mjög bissí í vinnunni og fór til Köben í vinnuferð á fimmtudaginn.

Við Pétur fórum í gær að mála stigaganginn uppi og bletta risið eftir gólflakkið ;) Kíktum líka á nýju skrifstofuna hans en þeir félagar eru búnir að færa sig yfir á Laugarveginn. Skipulögðum líka eldhúsið betur og erum komin yfir á eldavél í staðinn fyrir hellur og ofn og fá frekar efriskápa-plássið...

2008-04-22T04:02:00.000-07:00

Afi múraði strompinn með svo flottri áferð að okkur langar helst að hafa hann glærlakkaðann... hann ætlar að sjá til hvort það sé hægt. Svo bæsaði hann glugakarmana í risinu í stíl við nýja gluggann í kvistinum og svo þarf bara að lakka yfir.

Pabbi er svo búinn að líma loftlistana á allan stofu-helminginn á aðalhæðinni en kláraði efnið áður en hann náði að klára eldhúshlutann. Þetta er að sjálfsögðu gert með nákvæmni meyjunnar og sást varla í gólfið fyrir hvítum spænum sem hann hafði tálgað úr :) Þeir koma ótrúlega vel út og mér varð varla neitt úr verki á sunnudaginn því ég þurfti svo mikið að horfa á þá :)

Eg náði nú samt að brjóta einn vegg í holinu niðri í kjallara og henda brotunum í skurðinn kringum viðbygginguna. Nú er miklu meira pláss í kjallaranum og hann gæti jafnvel nýst sem leikaðstaða fyrir stelpurnar seinna.

Pétur greyið sat í súpunni enn einn daginn að rífa frá steypunni og gengur það mjög hægt enda fór steypan aðeins að leka og spýturnar eru kirfilega steyptar fastar við vegginn.

myndir frá góðri grannkonu :)

2008-04-18T10:11:00.000-07:00

Brynhildur í húsinu fyrir aftan var að mála gluggana hjá sér þegar að hún sá Pétur úti í einkennilegum skóbúnaði ;)

nýjar myndir

2008-04-14T16:46:00.000-07:00

hér verður "fataskápurinn" okkar

Sandra ánægð með rúmið sitt

klárt fyrir steypu

hitalagnir

massa helgi

2008-04-13T13:05:00.000-07:00

Gólfplatan var klár fyrir steypu hjá smiðnum á fimmtudaginn og þá skelltu tengdafeðgarnir inn lögnum fyrir gólfhita :) Því miður náðist ekki að steypa samt fyrir helgi en það verður gert á morgun. Ég fór í bæinn á föstudaginn og klippti af trjánum. Þetta var í fyrsta skipti sem ég geri það og þurfti að taka mig taki til að klippa ekki alltof mikið - fannst þetta frekar gaman. Katrín var með í för og prófaði í fyrsta skipti rimlarúmið og óróann sinn. Svo sótti ég Söndru og leyfði henni að sjá rúmið sitt og hægindastólinn. Síðan komu Doddi og Malla í heimsókn :)

Í gær og dag unnu þrjár kynslóðir tengdafeðga í húsinu. Málarameistarinn múraði strompinn og pússaði alla gluggana í risinu. Sá í miðið kláraði að loka stiganum uppí ris og byrjaði á kjallarastiganum en juniorinn kláraði að plötuleggja gólfið á aðalhæðinni og tók til í garðinum. Takk fyrir það - elsku kallarnir mínir.
knús Ása

Algjör steypa

2008-04-08T16:57:00.001-07:00

Á fimmtudaginn voru veggirnir í viðbyggingunni steyptir og um helgina rifum við bindingarnar frá. Pabbi lagði spónaplöturnar á megnið af gólfinu á aðalhæðinni.
Í gær byrjaði svo smiðurinn að slá upp efri plötunni og hún verður vonandi steypt í vikunni :)
kv.Ása

við erum flutt!

2008-03-30T13:31:00.000-07:00

... eða alla vega byrjuð hehe

hjónarúmið frá ýmsum sjónarhornum
barnarúmið sér frá mömmu-holu ;)

smá tilraun - hjónarúmið í "Söndru herbergi"

föstudagurinn langi

2008-03-21T11:46:00.000-07:00

Sóla að skafa

litla krútt úti í vagni - smá drasl í garðinum hehe

sefur eins og engill

risið bráðum að verða íbúðarhæft

þá er það aðalhæðin...

Búið að spartla, pússa og grunna gólfið í risinu og stigann.
Í dag kom Sóla með okkur og pússaði spartl í stigaholinu og skóf veggfóður af strompinum. Við plöstuðum líka fyrir opið inn í risið og undirbjuggum gólfið á aðalhæðinni fyrir spónaplötur. Á undan því fórum við með Söndru og Sigga frænda hennar að skoða hestana hjá Bóbó og eftir á fórum við með þau á róló- afkastamikill dagur ;)

2008-03-17T15:26:00.000-07:00

Jæja, þá erum við búin klára listana í risinu og mála tvær umferðir af hjarnhvítu ;) Kjartan smiður er að keyra viðbygginguna áfram og er búinn að slá upp ytri mótunum. Þá er bara að klára gólfið í risinu og þá er það klárt (geymum gluggakarmana fyrir afa Dodda hehe)

hann er sko kominn lengra - búinn að klæða allan hringinn
Sandra gekk framhjá ásamt deildinni sinni og sýndi öllum húsið sitt :) (hún er í rauðri úlpu með gráar ermar)
snyrtilegt

Listaverk

2008-03-07T03:08:00.000-08:00

Síðustu tvær vikur eru búnar að fara aðllega í listana í risinu "listaverkið". Það er frekar flókið að pússla þessu saman og t.d. dæmis gáfumst við Pétur upp á þessu þegar að við tókum Söndru herbergi í gegn á Sólvallagötunni! Það er ekkert hægt að spartla eða kítta til að redda sér því við ætlum að hafa þá ómálaða eins og panelinn. Verkfræðingurinn er nú samt alveg búinn að mastera þetta með trélím og vasahníf að vopni. Svo er ég að verða búin að undirbúa risið og stigaganginn fyrir málningarvinnu. Fór þrjár ferðir í bæinn í vikunni að pússa og spartla og þetta er að verða nokkuð gott. Náum mjög líklega að mála alla vega eina umferð um helgina :)
Kv. Ása

Ofnarnir loksins komnir heim!

2008-02-23T14:56:00.000-08:00

Rabbi gekk til liðs við þessa föstu í dag og þeir "vippuðu" í sameiningu ca.100 kg pottofnum uppá aðalhæðina. Svo var fjárfest í spónaplötum á risið.

Ofnarnir á leiðinni

Frekar flottir

Risið að verða klárt.

ofnar og annnað basl

2008-02-20T12:37:00.000-08:00

Þegar dyragatið kom loksins var biðin orðin of löng fyrir smiðinn og hann fastur í stóru verkefni næstu tvo mánuði :/ Við erum búin að vera að reyna að redda nýjum og líklega hefur það tekist :)
Það er loksins kominn hiti á miðhæðina - pabbi tengdi einn af gömlu ofnunum þar. Annars eru stóru ofnarnir víst tilbúnir, sandblásnir og lakkaðir en það verður þvílíkur höfuðverkur að koma þeim inn fyrst að anddyrið er ekki komið!

Jejjj

2008-02-04T06:23:00.000-08:00

Það er væntanlega búið að saga dyragatið núna, ég frétti nefnilega að maðurinn hefði komið í morgun. Þá er loksins hægt að klára að steypa og svo framvegis...
Tengdafeðgarnir eru búnir að vera rosa duglegir í panel, listum og gereftum uppá síðkastið og hér koma montmyndir...

Frekar flókin smíðavinna...

Það sést að þeir tóku samskeytin aðeins ofar inni í kvistinum til að tapa ekki of mikilli lofthæð.

Gereft í kringum stigagluggann...

...gluggann í Söndru herbergi...

...og kvistgluggann.

jamm og jæja

2008-01-30T08:56:00.000-08:00

Það er búið að gera mikið í risinu. Það er byrjað að negla gereftin í kringum gluggana þar á meðan síðasti skammturinn af panel þornar í hitanum inni. Annars er allt annað í bið þar til næst að saga hurðarop fyrir kjallaraherbergið. Þá er hægt að klára að steypa herbergið sjálft og steypuplatan virkar auðvitað líka sem gólf í andyrinu og baðherberginu og pallur. Þá er hægt að ganga innum aðaldyrnar og koma inn pottofnunum (sem eru í sandblæstri). Þegar ofnarnir eru komnir á sinn stað og tengdir er svo hægt að spartla, pússa og mála aðalhæðina.
Þannig að; við erum enn einu sinni að bíða eftir gati :)

2008 ár hússins

2008-01-08T10:18:00.000-08:00

Gleðilegt nýtt ár!
Við tókum okkur ágætis jólafrí frá húsinu og nú fer allt að komast á fullt skrið aftur. Það er búið að steypa sökkul og gólfplötuna fyrir kjallaraherbergið. Núna þarf að saga út hurðagat yfir í viðbygginguna og svo á eftir að steypa útveggina og gólfið fyrir andyrið/baðið.
Sandra er byrjuð á nýja leikskólanum og þá verður það raunverulegra fyrir manni að maður sé að fara að flytja í þetta sveitafélag ;) Það gengur allt saman rosa vel enda er hún mjög félagslynd og ófeimin.

Nokkrar myndir...

2007-12-16T17:26:00.000-08:00

soldið gamlar samt:
litla krútt að hjálpa mömmu ;)

loksins komin heill panellagður veggur

horft að Söndru herbergi

takið eftir póstkassanum!

núna er þessi þakpappi hálf fokinn af eftir undangengna storma

2007-12-05T01:29:00.000-08:00

Það er byrjað að steypa grunninn :)
Þetta er búin að vera erfið fæðing, við þurftum að láta menn koma örugglega 4 sinnum með gröfu og krabba og grafa aðeins dýpra og aðeins dýpra...
En það er allt komið á skrið aftur og við setjum inn myndir von bráðar.

Sandra í heimsókn

2007-11-16T14:54:00.000-08:00

Ekki mikið búið að gerast síðan síðast. Búið að vinna í grindinni í kvistinum og leggja smá panel. Reyndar eru slæmar fréttir með hann því hann virðist vera að losna í sundur! Kannski hitinn, kannski festingarnar sem við notuðum í staðinn fyrir að negla í nótina...? Alla vega lítur út fyrir að við þurfum að rífa hann af og byrja aftur :( Pétur náði í meira af hvítu klæðningunni áðan svo strompurinn verður líklega klæddur á morgun. Síðan ætlar Snorri að byrja að steypa í næstu viku.

Sandra að kíkja á holuna útum aðaldyrnar

soldið stór ;)

að kíkja á herbergið sitt :)

og kvistinn (sem þið sjáið að er eingangraður og plastaður og með þessa fínu grind)

Mikið var

2007-11-08T16:19:00.000-08:00

Redduðum nýjum gröfumanni. Hann kom daginn eftir og reddaði málunum :) Núna höfum við sundlaug í garðinum hehe

2007-11-04T16:11:00.000-08:00

Jæja, held við séum búin að gefast upp á gröfumanninum! Veit einhver um einn slíkan handa okkur - helst í bænum...?
Ég tók nokkrar myndir áðan en við hjónin tókum smá syrpu í að ulla og plasta kvistinn. Svo byrjuðum við á grindinni þar. Það var svo lokað á eina staðnum sem selur panelinn sem við erum að nota þannig að það bíður betri tíma.

Upptekinn maður

Söndru herbergi að verða fínt

suðurhliðin á Söndru herbergi, lítill og sætur ofn

verið að rétta soldið skakkan stromp - ætlum að klæða hann

og englabarnið sefur bara :)

Kv. Ása

grunnur óskast

2007-10-30T18:23:00.000-07:00

Gröfumaðurinn er enn ekki byrjaður á grunninum en það á víst að gerast á morgun eða hinn... En við erum búin að vera mest í risinu. Ég og Katrín mættum á laugardaginn og tókum aðeins til hendinni :) Ég var aðallega í Byko ferðum en það munar alveg um það því eins svona búðarferð getur alveg tekið góðan klukkutíma! Við héldum áfram með panelinn og barnaherbergið er að verða fullklætt. Þá eru bara gólfin eftir (og reyndar viðbyggingin hehe). Pabbi hélt áfram fram á nótt en við fórum í matarklúbb!
Pétur skellti sér svo aðeins aftur á sunnudaginn og hélt áfram að panelleggja.
Kveð að sinni, læt Pétur taka myndavélina með á morgun
Ása

Grunnur að grunni

2007-10-16T12:25:00.000-07:00

Félagarnir eru búnir að vera í pípulögnum og grindarsmíð og einangrun í kvistinum. Núna eru þeir að undirbúa fyrir gröfumanninn sem kemur í fyrramálið að grafa grunninn að viðbyggingunni :) Það þarf t.d. að brjóta aðeins af girðingargrunninum og taka pottofnana frá... Svo byrjar Snorri að slá upp í næstu viku.
tata

komnir ofnar

2007-10-07T16:17:00.000-07:00

Pétur er búinn að fara að heiman í vinnufötum bæði laugardag og sunnudag en var fastur í vinnunni báða dagana og komst aldrei í húsið! :/ Frekar fúlt. Pabbi er búinn að koma hita í húsið og það eru komnir ofnar í risið og kjallarann. Það verða tveir gamlir pottofnar á miðhæðinni sem á eftir að sandblása. Sem er mjög mikill léttir því það var orðið ansi kalt.
Við erum komin með smið til að slá upp andyrinu - Snorri frændi reddar þessu ;) Og þá er bara að drífa í að grafa fyrir grunninum.

Við erum ennþá á Smáraflötinni hjá tengdapabba og höfum það mjög fínt. Samt komin með smá samviskubit Söndru vegna. Hún þarf að vera í bíl ca. 1,5 tíma á hverjum degi til að fara í leikskólann og er ekki með pláss fyrir allt dótið sitt og svoleiðis. Ég rýmdi til í einni bókahillunni um daginn og raðaði Söndru bókum í hana, hún hálf klökknaði af hamingju og þakkaði innilega fyrir sig ;) Músin. Veit ekki hvernig hún verður þegar hún fær heilt herbergi fullt af dóti!

Jæja, þið fáið að vita um leið og eitthvað merkilegt gerist, kv. Ása

Fullkomið!!

2007-09-22T10:08:00.000-07:00

Kvistur a uppleið

2007-09-20T14:32:00.000-07:00

Kvisturinn er tilbuinn!

2007-09-06T01:17:00.000-07:00

nú vantar bara veðrið í að koma honum upp :/

Næst a dagskra

2007-09-01T17:02:00.000-07:00

er risið...

horft inn frá stigaopinu - erum í vandræðum að skipuleggja þetta pláss útaf strompinum og svo þarf helst að fá kvistinn upp til að gera sér grein fyrir lofthæðinni. Kvisturinn verður hér til vinstri eða götumegin.

garðhliðin - þessi líka fína grind komin upp og bara eftir að klæða og panelleggja. Hér þurfum við líka að setja upp 1-2 þakglugga

Söndruherbergi?

...

Hreint og ferskt

2007-09-01T16:57:00.000-07:00

Já, það var satt sem ég heyrði, gluggarnir svona líka flott rammaðir inn ;)

eldhúsgluggi - borðplatan kemur yfir gluggakistuna

stofugluggar

sjónvarpsveggurinn til hægri...

eftir menningarnott

2007-08-20T12:43:00.000-07:00

Aðalhæðin er að verða rosa fín og byrjað að fræsa og spartla og pússa. Við erum loksins komin með leyfi fyrir kvistinum og andyrinu og smiðurinn kom í dag að mæla :) Næsta skref hjá okkur er svo að klæða súðina og leggja krossvið á gólfin og svo kemur parket yfir, þetta á sko að verða almennilega hljóðeinangrað! Annað en á Lokastíg hehe
Enn og aftur eyða Heiðargerðishjónin helginni sinni í Grundar-púl en húsfrúin var að menningast með heimasætunni.

horft á innganginn útúr eldhúsinu

inní eldhús

stiginn fræsaður og fínn

bara snilld :)

Loftið tekur á sig mynd

2007-08-09T09:26:00.000-07:00

gengið frá plöstuninni (stendur upp við sjónvarpsvegginn)

grindin komin yfir - menn komnir í góða þjálfun

séð inní eldhús

loftið hálf-klætt

Stigaskrattinn gefur eftir

2007-08-09T09:22:00.000-07:00

steinhnullungar í bland við steypu

úff, endalaust verk

Pétur að leysa tengdamömmu af :)

gengur ekki nema maður noti báðar pressurnar í einu...

allt að gerast

Stuð um verslo

2007-08-05T15:03:00.000-07:00

Heiðargerðarhjónin og Pétur á grund eru búin að láta hendur standa fram úr ermum um verslunarmannahelgina á meðan Sandra fær smá mömmutíma eftir alla pössunina :) Mér skilst að það sé heilmargt búið að gerast, m.a. niðurbrot á útitröppum til að rýma fyrir andyri og grindaruppsetning í loftið á aðalhæðinni. Mér skilst einnig að myndir hafi verið teknar þessu til sönnunar og verða þær vonandi birtar von bráðar ;)
Kv. Ása

horft um öxl ;)

2007-08-01T14:19:00.000-07:00

Aðeins að rifja upp hvernig þetta var til að peppa okkur upp:

Horft innúr eldhúsinu verðandi að útidyrunum

Horft inní sjónvarpskrók - þessi veggur er heill núna...

Stiginn uppá loft

Borðstofan verðandi

Byrjað að rífa út úr eldhúsinu

Búið að rífa klæðninguna en þessar fjalir fengu nú líka að fjúka og sagið fyrir innan!

Stiginn uppá loft borinn út

vegna fjölda askorana

2007-07-30T16:43:00.000-07:00

Erum á fullu að gera grind til að klæða vegginn sem skilur að eldhúsið og stofuna. Það er ekki gaman fyrir óþolinmóða Ásu - hentar betur fyrir nákvæma (smámunasama) menn ;) Svo er auðvitað verið að teikna og pæla og skoða innréttingar sem tekur allt tíma...

(hérna sést hvar gamli stiginn lá)

(búið að loka stigagatinu uppi á lofti)

(kleppara-vinna!)

(burðarbitinn kominn á sinn stað og búið að opna inní eldhús)

(svo sætur og duglegur)

(ég neitaði að fara heim fyrr en ég sæi klæðningu eftir laaaangan grindar-dag)

(Click Board - algjör snilld)

tiltekt

2007-07-09T02:26:00.000-07:00

(garður "before")

Leigðum þessa líka fínu Byko kerru í gær og tókum ruslið úr garðinum í þremur ferðum. Slepptum pottofnunum fínu sem lítur út fyrir að verði flestir notaðir. Svo leigðum við bensínorf til að slá því grasið (fíflarnir) var orðið alltof hátt fyrir sláttuvél! Fórum svo eina Sorpuferð enn með grasið og skiluðum öllu klabbinu á tækjaleiguna. Á meðan var pabbi að vinna í rafmagninu.
Síðan þurfti að bruna uppá Skaga því enginn vildi missa að Dýrunum í Hálsaskógi í Skógræktinni með Söndru :) Hún er annars komin í sumarfrí og er hjá ömmu Steinu sinni í góðu yfirlæti.

Myndir væntanlegar

2007-07-07T07:40:00.000-07:00

Það er búið að klæða nánast alla aðalhæðina núna og smíða grind fyrir stiga bæði upp og niður. Pétur og Rabbi bró eru að klára þrepin og klæðninguna núna.
Allt fínt að frétta annars. Við erum endurnærð eftir tveggja vikna frí og höfum það bara gott uppá Skaga. Garðurinn hefur sprungið út á meðan við vorum í burtu og alls kyns ný blóm að líta dagsins ljós m.a. rosa flottar eldliljur. Nú þarf að drífa í því að losna við allt drasl úr garðinum svo það sé hægt að slá. Reynum að redda kerru um helgina.

Snillingar!

2007-06-11T15:41:00.000-07:00

Eins og kannski var hægt að sjá fyrir ber Eiki rokk hitann og þungann af framkvæmdunum og mætir í húsið á hverjum degi eftir að hann komst í sumarfrí. Hann er búinn að klæða aðalhæðina og er byrjaður á stiganum upp. Svo mætti afi Doddi hress á laugardaginn og þegar þessir menn koma saman þá fara hlutirnir sko að gerast!. Þeir gerðu sér lítið fyrir og færðu útidyrnar þangað sem verður gengið inn eftir að andyrið kemur (erum enn að bíða eftir leyfi) og smíðuðu smá pall fyrir utan. Þá var hægt að halda áfram með stigann og gera stigagat fyrir kjallarann sem annars hefði lent beint fyrir innan útidyrnar... Svo var farið í að einangra og plasta þar í kring.

Við erum annars flutt á Skagann tímabundið og keyrum á milli. Erum ekki ennþá búin að redda nettengingu hérna sem skýrir strjálar bloggfærslur.

Allt að smella

2007-06-03T17:58:00.001-07:00

Nú er langt komið í klæðningunni. Teikningar eru komnar til Byggingarfulltrúa. Svo erum við að missa Sólvallagötuna og flytjum á Skagann, til Greifans á Smáraflöt. Planið er að flytja á þriðjudaginn 5.júní ef fólk hefur ekkert betra að gera.

Stund milli stríða.

Langt komin með stofuna.

Eldhúsið að fæðast.

Meira eldhús.

...og meira eldhús

2007-05-28T15:56:00.000-07:00

Það gengur vel með grindina en er auðvitað rugl vinna; að rétta rammskakka veggi smíðaða fyrir tíma réttskeiðarinnar. Fína klæðningin er komin upp á gaflinn í risinu og kemur mjög vel út. Samskeytin sjást varla og ekkert smá gaman að sjá hvíta veggi. Svo erum við loksins komin með teikningarnar frá arkitektinum og erum að ganga á milli granna og láta alla samþykkja kvist og andyri. Það gengur mjög hægt því allir þurfa að spjalla svo mikið ;) Byrjuðum líka á að þrífa kjallarann og flytja dót úr geymslunni þangað. Vorum að átta okkur á því að það er ekkert svo langt í 8. júní en þá þurfum við að afhenda íbúðina okkar!

(dósir fyrir halógen)

(grindin uppi í risi)

(Rabbi að saga grindarefni)

(veggur)

2007-05-23T02:15:00.000-07:00

Tengdafeðgarnir eru að missa sig af dugnaði þessa daganna. Annar þeirra er að sjálfsögðu að vinna í rafmagninu - núna uppi í risi og svo er verið að plasta allt og smíða grind til að festa klæðninguna á. Eða svo er mér sagt, hef reyndar ekkert komist síðan á sunnudaginn!

Kveð í bili, Ása

Úttekt

2007-05-18T05:11:00.000-07:00

Kapparnir náðu að klára að styrkja gólfið í risinu, einangra loftið og eru langt komnir með að plasta! Ég er orðin ansi bjartsýn á að það verði eitthvað hægt að klæða um helgina. Er farin að hlakka ósegjanlega til að sjá veggi!
Við hjónin ætlum að plasta meira í kvöld og fara svo á Skagann að hitta barnið okkar ;)

Svo var ég að laga síðuna þannig að núna allir geta kommentað en ekki bara innskráðir þannig að endilega látið í ykkur heyra! :) Veljið bara "other" og skrifið nafnið ykkar...

Enn ein helgin liðin :/

2007-05-15T17:23:00.000-07:00

Það gerðist nú ekki mikið um síðustu helgi :/ En við hjónin náðum þó að klára að einangra risið. Við erum búin að láta sækja þriðja gáminn og þurfum vonandi ekki fleiri. Það er aðeins að létta til hjá pabba og hann var í húsinu í allan dag, skaust reyndar frá til að taka munnlegt stærðfræðipróf ;) Hann hélt áfram að leggja rafmagn og styrkti líka gólfið í risinu. Svo fer að styttast í að hægt sé að klæða veggina en við ætlum að prófa nýtt efni í þetta skipti sem er í litlum, samskeytalausum bútum og þarf mjög lítið að spartla. En það er víst klepparavinna að spartla og pússa gifsplötur...
Við mæðgurnar förum uppá Skaga annað kvöld að heimsækja m.a. Ernu og strákana og Pétur mun að sjálfsögðu vinna baki brotnu í húsinu á meðan - góður díll ;)
Meira síðar en hér eru nokkrar myndir teknar með nýju myndavélinni:
Kv. húsfrúin.

Þriðja helga helgin liðin

2007-05-06T17:04:00.000-07:00

"Amma Steina" og Sóla komu á laugardaginn og sáu um barn og heimili alla helgina! (knús) Söndru fannst það sko ekki leiðinlegt og fékk meðal annars að fara í Húsdýragarðinn og gefa máfunum. Við héldum áfram að einangra og rífa út raflagnir, þetta leynir endalaust á sér! Einangruðum kvistina uppi í risi og erum komin af stað með súðina með góðri hjálp frá Slaugu og Sigga (knús).

Fengum líka góðar heimsóknir bæði frá nágrönnum (þetta er alveg yndislegt og hverfi hehe) svo litu Kristín Minney, Begga og Frikki inn og áttu ekki til orð yfir slottinu ;)
Verkefni vikunnar verður svo að klára að einangra og plasta yfir. Síðan má bara fara að klæða veggina!!
Við erum að íhuga að halda tveimur pottofnum og þá eigum við 3 stóra úti í garði ef einhver hefur áhuga. Yrðum alla vega fegin að losna við þá hehe

Status

2007-05-03T08:34:00.000-07:00

Risa gámur nr. 3 er núna orðinn ágætlega fullur - við héldum að við myndum aldrei fylla fyrsta gáminn!! Rabbi og Pétur eru búnir að henda út öllum gömlu pottofnunum og meðfylgjandi pípulögnum sem var mikill léttir. Sem betur fer er að koma sumar þannig að hita og rafmagnsleysi trufla ferlið ekki mikið ;) Nágrannar okkar komu og klipptu fyrir okkur limgerðið og settu greinarnar út á gangstétt á verkalýðsdaginn - soldið öðruvísi stemning hérna í hverfinu. Allir hérna í kring eru óvenjulega hressir og kammó. ´
Núna er það bara að einangra og við erum langt komin með aðalhæðina :)

2007-04-28T14:44:00.000-07:00

Í dag var niðurrifið klárað! Fengum frábæran liðstyrk frá Blikkinu og þeir rifu alla klæðningu og sag innan úr risinu. Eiki rokk kom upp nýrri rafmagnstöflu og byrjaði að draga í og við hjónin náðum aðeins að einangra. Það fannst margt áhugavert inni veggjunum uppi á lofti, m.a. Jesúmynd og bollastell.

Það var líka soldið mikið rusl! Erum búin að fylla gám nr.2 og nóg eftir.

Sandra var send uppá Skaga eins og um síðustu helgi. Fór í Skógræktina og krítaði alla stéttina hjá ömmu Steinu :)

Nyja Grundarættin

2007-04-19T17:46:00.000-07:00

Heil og sæl.
Við höfum ákveðið að starta fjölskyldubloggi því það stefnir í að við verðum ALVÖRU fjölskylda ;) Við fengum nýja húsið okkar afhent á þriðjudaginn og við hjónin erum búin að hreinsa allt út úr risinu og einu herbergi á aðalhæðinni. mont mont.

Stefnum á að klára niðurrifið um helgina og út vikuna í mesta lagi. Svo byrjar vesenið :/ Þurfum líklega að einangra allt og skipta út raflögnunum. Efri hæðin er einangruð með sagi en aðalhæðin virðist ekkert vera einangruð.
En þetta er sætasta hús í heimi á frábærum stað og við erum í skýjunum. Og Sandra er himinlifandi með garðinn sinn :)

Útsýnismyndir: